गावचा इतिहास

ढवळेश्वर, ता. खानापूर जि. सांगली

ढवळेश्वर हे गांव विटा पासून ७ किमी अंतरावर विटा- भाळवणी रोड वर वसलेले आहे. गावामध्ये ढवळलिंग मंदिर हे जुने हेमंडपंथी मंदिर आहे. हे मंदिर शिव म्हणजेच शंकराचे आहे. हे मंदिर रेवा नदीच्या तिरावरती वसलेले आहे. सदर ढवळलिंग मंदिराचे नावावरून गावास ढवळेश्वर हे नाव पडलेले असून सदर मंदिर सांगली जिल्ह्यातील प्रसिद्ध आहे. सदर मंदिरात दररोज तसेच प्रत्येक आठवड्याचे सोमवारी मोठ्या प्रमाणात परगावाहून भाविक आरती साठी येत असतात. या गावाची यात्रा श्रावण महिन्यात व महाशिवरात्र तसेच गुढी पाडवा या दिवशी असते. अशा वेळी हजारो भक्त गण यात्रेस हजेरी लावून मोठ्या प्रमाणात सासण काठी चा कार्यक्रम होत असतो. ढवळलिंग मंदिरास ‘क’ वर्ग दर्जा प्राप्त झालेला आहे. श्रावण महिन्याच्या शेवटच्या गुरुवारी गावामध्ये भंडारा असतो. त्यावेळी गावामध्ये यात्रेचे स्वरूप असते.